ପାଟଣାଗଡ଼ : ବଲାଙ୍ଗିର ଜିଲ୍ଲା  ପାଟଣାଗଡ଼ ବ୍ଳକ ଅନ୍ତର୍ଗତ ତେଣ୍ଡାପଦର ଗ୍ରାମଠାରେ ରବିବାର ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ ନିର୍ମାଣ ପାଇଁ ଶୁଭ ଭିତ୍ତିପ୍ରସ୍ତର ସ୍ଥାପନ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉପମୁଖ୍ୟମନ୍ତ୍ରୀ ତଥା ପାଟଣାଗଡ ବିଧାୟକ କନକ ବର୍ଦ୍ଧନ ସିଂହଦେଓ ଯୋଗଦେଇ ଏହାର ଭିତ୍ତିପ୍ରସ୍ତର ସ୍ଥାପନ କରିଥିଲେ । ତାଙ୍କ ସହିତ  ବଲାଙ୍ଗିର ସାଂସଦ ସଙ୍ଗୀତା କୁମାରୀ ସିଂଦେଓ ମଧ୍ୟ ଉପସ୍ଥିତ ଥିଲେ ।
ଗ୍ରାମାଞ୍ଚଳର କୋମଳମତି ଶିଶୁମାନଙ୍କୁ ଗୁଣାତ୍ମକ, ଆଧୁନିକ ଓ ସମୃଦ୍ଧ ଶିକ୍ଷା ସହିତ ଯୋଡ଼ିବା ଆମର ପ୍ରାଥମିକ ସଂକଳ୍ପ । ଏହି ଶିକ୍ଷାନୁଷ୍ଠାନ ଆଗାମୀ ଦିନରେ ସ୍ଥାନୀୟ ଅଞ୍ଚଳର ଭବିଷ୍ୟତ ଗଢ଼ିବାରେ ଏକ ପ୍ରମୁଖ ଭୂମିକା ଗ୍ରହଣ କରିବ ବୋଲି ମୁଖ୍ୟ ଅତିଥି ଶ୍ରୀ ସିଦେଓ ତାଙ୍କର ପ୍ରତିକ୍ରିୟା ରଖିଥିଲେ  । ଏହି ଅବସରରେ ବଲାଙ୍ଗୀର ସ୍ବତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ବଲ୍ଲଭ ଧରୁଆ, ଜିଲ୍ଲା ଶିକ୍ଷା ଅଧିକାର ଶୁଭ୍ରାଂଶୁ ଶେଖର ମିଶ୍ର , ଏନବିସିସି ଜେନେରାଲ ମ୍ୟାନେଜର, ପାଟଣାଗଡ଼ ବ୍ଳକ ଗୋଷ୍ଠୀ ଉନ୍ନୟନ ଅଧିକାରୀ ସୁମନ ମିଞ୍ଜ, ତହସିଲଦାର ରୁଦ୍ରମୋହନ ନାୟକ ଯୋଦେଇ  ଥିବା ବେଳେ ସ୍ଥାନୀୟ ଅଳର ଶତାଧିକ ମହିଳା ଓ ପୁରୁଷ ମାନେ ଏହି କାର୍ଯ୍ୟକ୍ରମରେ ଯୋଗଦେଇ ଉପସ୍ଥିତ ରହିଥିଲେ ।